Քթի 3D մոդելավորում
3D տեխնոլոգիաների կիրառումը բժշկության մեջ ունի իր առավելությունները։ Եթե նախկինում պլաստիկ վիրահատության արդյունքը հնարավոր չէր կանխատեսել, ապա այժմ տհաճ անակնկալներից խուսափելու համար կարելի է նախօրոք կատարել քթի մոդելավորում ու տեսնել ռինոպլաստիկայի վերջնական արդյունքը։ Դրա շնորհիվ վերանում են բոլոր վախերն ու անհանգստությունները և մեծանում է վստահությունը բժշկի նկատմամբ։ Բացի այդ, պացիենտը կարողանում է որոշում կայացնել՝ արժե արդյոք կատարել ռինոպլաստիկա, թե՞ ոչ։
Քթի մոդելավորումն օգնում է նաև վիրաբույժին հաշվի առնելու պացիենտի ցանկություններն ու հնարավորինս ճշգրիտ ներկայացնել վիրահատության արդյունքը։ Այն հնարավորություն է տալիս՝
- տեսնել քթի ձևը վիրահատությունից հետո
- բացատրել բժշկին այն, ինչ ակնկալում եք վիրահատությունից հետո
- հոգեբանորեն նախապատրաստվել վիրահատությանը՝ նախապես իմանալով արդյունքի մասին
Քթի մոդելավորում. ինչպես է այն կատարվում
Այս գործընթացը բաղկացած է մի քանի փուլերից՝
- Նկարը ներբեռնվում է համակարգչի մեջ հատուկ գրաֆիկական խմբագրիչի միջոցով
- Կատարվում է մոդելավորումը՝ փորձարկելով քթի տարբեր ձևեր ու տարբերակներ
- Բժշկի ու պացիենտի համաձայնությամբ ընտրվում է համապատասխան տարբերակը
Քթի մոդելավորման մեթոդները
Գոյություն ունեն քթի մոդելավորման մի քանի մեթոդներ, որոնցից ամենատարածվածը համակարգչային մեթոդն է: Այն թույլ է տալիս ստանալ քթի ձևը՝ նույնիսկ չնչին մանրուքները հաշվի առնելով:
Քթի մոդելավորում կատարելիս վիրաբույժը պետք է անպայման հաշվի առնի՝
- Մաշկի տեսակը
- Պացիենտի տարիքը
- Դեմքի մարդաչափական առանձնահատկությունները
- Քթի անատոմիական առանձնահատկությունները
- Ոսկրային ու կռճիկային հյուսվածքների ներքին կառուցվածքը
- Մաշկի վերականգնման ընթացքը
Այս բոլոր հատկանիշներն ու հետվիրահատական գործընթացները նկատելիորեն ազդում են քթի շտկման վերջնական արդյունքի վրա:
«Արզնի Էսթետիկա» վիրաբուժական կլինիկան եզակիներից է Հայաստանում, որտեղ կատարվում է 3D մոդելավորում: Մեր կլինիկայում դա իրականացվում է ԱՄՆ-ում արտադրված գերհզոր VECTRA M3 համակարգի միջոցով:
Գեղեցիկ քիթ ունենալը կարող է դադարել երազանք լինելուց, եթե ժամանակ չկորցնեք ու շտապեք գրանցվել խորհրդատվության մեր փորձառու վիրաբույժների մոտ:
Մանրամասն տեղեկությունների կամ գրանցման համար զանգահարել (010) 205990 հեռախոսահամարով:
