Հատուկ Առաջարկներ

Անձնակազմ

Տեղեկություն
Պլաստիկ վիրաբույժ

Բժիշկ Դանիելյան Կարեն Վանցետի՝ Հայաստանում պլաստիկ վիրաբուժության առաջադեմ մասնագետներից մեկը Ավելին, ով մասնագիտացած է ոչ միայն ռինոպլաստիկայի (քթի վիրահատություն) ոլորտում, այլև դեմքի և գլխի շրջանի (դեմքի ձգում, կոպերի պլաստիկա, կզակի և լոշտակության շտկում), որովայնի առաջային պատի (աբդոմինոպլաստիկա), կրծքագեղձի շրջանի (մեծացում, ձգում, փոքրացում), ինչպես նաև մարմնի կոնտուրային պլաստիկայի վիրահատություններում՝ սեփական ճարպի և ցողունային բջիջների կոմպլեքսների օգտագործմամբ:
Բժիշկ Կարեն Դանիելյանն առաջնորդվում է պլաստիկ վիրաբուժության արվեստով, մարդկանց գեղեցկություն և առողջություն պարգևելու գաղափարախոսությամբ: Բազմամյա փորձի ու մեծ գիտելիքների շնորհիվ  նա վաստակել է այցելուների վստահությունը։ Նրա օգնությանն են դիմում հիվանդներ ինչպես Հայաստանից, այնպես էլ Ռուսաստանից, ԱՄՆ-ից, Եվրոպայի և Հարավային Ամերիկայի երկրներից, Իրանից, Վրաստանից, Թուրքիայից, մոտակա և հեռավոր արտասահմանից:
Օգտագործելով վիրահատական միջամտության հատուկ խնայող տեխնիկա, ժամանակակից սարքավորումներ և տիտանի խառնուրդով նուրբ գործիքներ՝ բժիշկ Դանիելյանն իր բժշկական անձնակազմի հետ միասին հասնում է հիվանդների շուտափույթ լավացմանը և կարճ ժամանակահատվածում ակտիվ գործունեության վերադարձմանը: Միևնույն ժամանակ հիվանդը ստանում է ցանկալի արդյունք:
Կարեն Դանիելյանը վիրահատությունների մեծամասնությունը կատարում է ընդհանուր անզգայացմամբ: Բժիշկ-անեսթեզիոլոգների բարձր պրոֆեսիոնալիզմի և որակյալ դեղամիջոցների օգտագործման շնորհիվ՝ հիվանդներին թույլատրվում է հաջորդ օրն իսկ դուրս գրվել:
Սկսած 2002 թվականից՝ Կարեն Դանիելյանի նախաձեռնությամբ և  անմիջական մասնակցությամբ անցկացվում է «Ամենահայկական Քիթ» մրցույթը, որի շրջանակներում վիրահատվել են 5000-ից ավելի պացիենտներ: Մրցույթը զեղչով ու անվճար վիրահատվելու հիանալի հնարավորություն է տալիս:
Բացի հիվանդանոցային գործունեությունից, բժիշկ Դանիելյանը նաև դասավանդում է Երևանի բժշկական համալսարանում՝ Վերականգնողական պլաստիկ վիրաբուժության և միկրովիրաբուժության ամբիոնում: Բժիշկ Դանիելյանի ղեկավարությամբ մեկ սերունդ չէ, որ բարեհաջող ավարտել է օրդինատուրան, և ներկայումս նրանցից շատերն ունեն իրենց անձնական պրակտիկան և բարեհաջող վիրահատություններ են կատարում:
Բժիշկ Դանիելյանը Վերականգնողական և էսթետիկ վիրաբույժների ասոցիացիայի հիմնադիրներից է, ինչպես նաև ասոցիացիայի տնօրենների խորհրդի անդամ: Հանդիսանում է բազմաթիվ միջազգային ասոցիացիաների իրական անդամ, ինչպիսիք են Վերականգնողական և էսթետիկ վիրաբուժության եվրոպական միությունը (ESPRAS), Վերականգնողական և էսթետիկ պլաստիկ վիրաբուժության միջազգային կոնֆեդերացիան (IPRAS), Էսթետիկ վիրաբուժության եվրոպական ասոցիացիան (ASSECE): Հանդիսանում է նաև Ուկրաինայի էսթետիկ պլաստիկ վիրաբույժների միության /ՈւԷՊՎՄ/ պատվավոր անդամ:
Բժիշկ Դանիելյանն իր գործունեությունը ծառայեցնում է նաև բարեգործությանը՝ անվճար վիրահատելով դեմքի և վերջույթների բնածին արատներ ունեցող երեխաներին (շուրթի, քիմքի ճեղքվածք, սինդակտիլիա, պոլիդակտիլիա և այլն): Համագործակցելով ԱՄՆ-ի առաջադեմ մասնագետների հետ՝ բազմիցս վիրահատել է մանկատների և գիշերօթիկ դպրոցների սաներին, Արցախի և Աբխազիայի պատերազմների վիրավորներին և հաշմանդամներին, Հայաստանում ավերիչ երկրաշարժից տուժածներին:
Բժիշկ Դանիելյանը վստահ է, որ լավ արդյունք ստանալու համար պետք է անընդհատ կատարելագործվել: Նա մշտապես մասնակցում է միջազգային սիմպոզիումների և կոնֆերանսների: 1998թ-ին նա հետխորհրդային շրջանի երկրների բժիշկներից առաջիններից էր, ով պաշտոնապես հրավիրված էր պլաստիկ վիրաբուժության ասպարեզում տարվա ամենանշանակալի իրադարձությանը՝ հանդես գալով զեկույցով ու ներկայացնելով Հայաստանը: Տարբեր բժշկական հրատարակություններում ունի բազմաթիվ տպագրված աշխատանքներ:
Ներկայումս Բժիշկ Դանիելյանը հատուկ հետաքրքրված է մաշկի երիտասարդացման ու տարիքային և վնասվածքներից հետո վերականգնման հետազոտությամբ՝ ցողունային բջիջների և սեփական ճարպի փոխպատվաստման եղանակով:
Ի վերջո, բժշկի համար չկա ավելի կարևոր բան, քան ունենալ առողջ, արդյունքներից գոհ և շնորհակալ պացիենտներ, հնարավոր է այնպիսիք, ինչպիսիք դուք եք:
Ահա բժիշկ Դանիելյանի և իր անձնակազմի կողմից իրականացվող վիրահատությունների և միջամտությունների ցանկը, ինչպես նաև մինչվիրահատական և հետվիրահատական նկարները:  Խորհրդատվության գրանցման համար զանգահարեք կամ ուղարկեք Ձեր հարցերը մեր էլեկտրոնային փոստին: Դա կարող է լինել Ձեր կյանքի ամենակարևոր և նշանակալի որոշումը:

Արթուր Սալիբյան
Պլաստիկ վիրաբույժ
բժշկական գիտությունների թեկնածու
Տեղեկատվությունը հասանելի է անգլերեն լեզվով
Կարեն Մկրտչյան
Պլաստիկ վիրաբույժ
Տեղեկություն
Կարեն Կառլենի Մկրտչյան․ Պլաստիկ վիրաբուժության ավելի քան քսանամյա փորձառու մասնագետ։ Ավելին1993 թ-ին ընդունվել է Հայաստանի բժշկական ինստիտուտ՝ «Բուժական գործ» ֆակուլտետ։ 1995 թ-ին ուսումնական պրակտիկան անցել է Էրեբունի ԲԿ-ում։ 1998 թ-ին զորակոչվել է զինվորական ծառայության ՀՀ Կենտրոնական կլինիկական զինվորական հոսպիտալի նեյրովիրաբուժության բաժանմունք՝ որպես բժշկի օգնական։ 2003 թ-ին համալսարանն ավարտելուց հետո կլինիկական արդինատուրան անցել է ՀՀ Ավդալբեկյանի անվան Առողջապահության ազգային ինստիտուտում։ 2007 թ-ին Պլաստիկ և վերականգնողական վիրաբուժություն մասնագիտությամբ ավարտել է արդինատուրան և ընդունվել Երևանի ԲԿ-ի Պլաստիկ և վերականգնողական վիրաբուժության բաժանմունք՝ որպես բաժանմունքի վարիչ։ 2011 թ-ին ընդունվել է Մոսկվայի «Դռուժբա Նառոդով» ինստիտուտի ասպիրանտուրա։ Ավարտելուց հետո դարձել է Ռուսաստանի Դաշնության կողմից հավաստագրված պլաստիկ վիրաբույժ։ Ունի ՌԴ Առողջապահության և սոցիալական զարգացման պետական վերահսկողության մարմնի կողմից տրամադրված պլաստիկ վիրաբույժի հավաստագիր։ Աշխատել է Մոսկվայի մի շարք հայտնի կլինիկաներում՝ 2010 թ. Շարմ կլինիկա՝ պլաստիկ վիրաբույժ 2011 թ. «Լազեր Վիտա» Լազերային ինովացիոն կլինիկա՝ պլաստիկ վիրաբույժ-խորհրդատու 2013 թ. Ամորիա պլաստիկ վիրաբուժության կլինիկա՝ պլաստիկ վիրաբույժ 2016 թ-ից առ այսօր աշխատում է «Արզնի Էսթետիկա»վիրաբուժության կենտրոնում որպես պլաստիկ վիրաբույժ՝ շարունակելով համագործակցությունը վերոնշյալ և այլ կլինիկաների հետ։
Հրաչյա Արշակյան Գագիկի
Պլաստիկ վիրաբույժ
Տեղեկություն
Հրաչյա Գագիկի Արշակյանը հանդիսանում է արդեն իսկ 14 տարվա փորձով և հմտությամբ օժտված պլաստիկ վիրաբույժ: Ավելին Նա հիմնադրել և տարիներ շարունակ ղեկավարում է պլաստիկ վիրաբուժական ծառայությունը «Արաբկիր» բժշկական համալիրում: Հրաչյա Արշակյանը մասնագիտացած է ինչպես դեմքի էսթետիկ և ռեկոնստրուկտիվ վիրաբուժության, այնպես էլ կրծքագեղձերի վիրաբուժության ոլորտում: Բժիշկը բազմիցս վերապատրաստվել է հեղինակավոր մասնագետների մոտ ԱՄՆ-ում, Իտալիայում և Ավստրիայում: Միևնույն ժամանակ իրականացնում է նախագծեր և դասընթացներ տեղային մասնագետների կրթման և վերապատրաստման նպատակով` ինչպիսինն են «Ժպիտ» և «Պլաստիկոս» նախագծերը,  «Լազերների կիրառումը պլաստիկ վիրաբուժության բնագավառում»,  «Դիմային նյարդի վերականգնում» և այլն: Հրաչյա Արշակյանը հանդիսանում է EuroCleſt, IPRAS, AAPRAS, ASSECE կազմակերպությունների գործող անդամ:
Դանի Իբրահիմ
Պլաստիկ վիրաբույժ
Տեղեկություն
Մանվել Թեմուրյան
Պլաստիկ վիրաբույժ
Տեղեկություն
Մանվել Սեյրանի Թեմուրյանը ծնվել է 16.04.1979թ․։ 1997-1999թթ. ծառայել է ՀՀ և Արցախի զինված ուժերում: 1999-2005թթ ուսանել է Մխիթար Հերացու անվան Ավելին ԵՊԲՀ-ում, ավարտելով ընդհանուր բժշկություն բաժինը։ 2005-2009թթ կլինիկական օրդինատուրան անցել է ՀՀ Ավդալբեկյանի անվան առողջապահության ազգային ինստիտուտում, մասնագիտացել է << Քանաքեռ-Զեյթուն >> բժշկական կենտրոնում` որպես պլաստիկ վիրաբույժ ։ Բժիշկ Թեմուրյանը մասնագիտացված է իրականացնել դեմքի և գլխի շրջանում`ռինոսեպտոպլաստիկա, դեմքի ձգում, կզակի և լոշտակության շտկում, կոպերի պլաստիկա, մարմնի շրջանում` կրծքագեղձերի մեծացում, փոքրացում, ձգում,աբդոմինոպլաստիկա վիրահատություններ ։ Անցել է կատարելագործման դասընթաց << Քթի պլաստիկայի բաց և փակ եղանակները, առաջնային և երկրորդային ռինոպլաստիկա>> թեմայով 10․04․2017թ։ Մասնակցել է 06.06 2017թ. միջազգային գիտաժողովի՝ << Բուժման ռեգեներատիվ մեթոդները պլաստիկ վիրաբուժությունում և դերմատոկոսմետոլոգիայում>> խորագրով։ 2013թ-ից աշխատում է Rhino Center պլաստիկ վիրաբուժության կենտրոնում, զուգահեռ` 2016թ-ից մինչ օրս, աշխատում է Arzni Aesthetica Surgicenter & Medspa կենտրոնում, որպես պլաստիկ վիրաբույժ ։ Բժիշկ Թեմուրյանը ունենում է պացիենտներ ինչպես Հայաստանից, այնպես էլ արտերկրից։
Մարինե Հովհաննիսյան
Պլաստիկ վիրաբույժ
Տեղեկություն
Էմիլ Վարդապետյան Իգորի
Անեսթեզիոլոգ
Տեղեկություն
Էմիլ Վարդապաետյանը Հայաստանի առաջատար անեսթեզիոլոգներից է, ով իր գործունեության ընթացքում անընդհատ ձգտում է մասնագիտական կատարելության։ Ավելին Էսթետիկ վիրաբուժության մեջ անեսթեզիոլոգի դերը հիվանդին սպասվելիք վիրահատությանը պատրաստելն է․ այն է՝ նախավիրահատական զննում, համապատասխան խորհրդատվության տրամադրում, մասնագիտական անհրաժեշտ հարցումներ, երբեմն նաև բացահայտված հիվանդությունների բուժում, անզգայացման գործընթացի անցկացում, այդ թվում՝ հիվանդի մաքսիմալ անվտանգության և հարմարավետության ապահովում, ինչպես նաև հետվիրահատական խնամք և հսկողություն։ Բժիշկ Վարդապետյանի մասնագիտական գիտելիքներն ու հմտությունները ներառում են հետևյալը` տարատեսակ անզգայացման կատարում (սեդացիա, ընդհանուր անզգայացում, տեղային անզգայացման տեսակներ, բլոկադա), ինչպես նաև ինտենսիվ թերապիայի, անհետաձգելի բուժօգնության և վերակենդանացման ապահովում։ Բժիշկ Վարդապետյանը փորձագետ է իր մասնագիտության տարբեր ուղղություններում՝ մասնավորապես դժվար ինտուբացիաների դեպքում ճկուն ֆիբրոբրոնխոսկոպի տեղադրման մեջ։ Նա խորհրդատվություններ և անհրաժեշտ բուժում անց է կացնում մեր երևանյան գրասենյակում։ Ունի բժշկական գործունեության 21-ամյա փորձ, ինչպես նաև դասավանդման երկարամյա փորձ՝ այդ թվում նաև՝ հետբուհական կրթության։

Բժիշկ Վարդապետյանի աշխատանքում առաջնային տեղում են հիվանդի առողջությունն ու ապահովությունը։

Աննա Աբրահամյան
Մաշկաբան - կոսմետոլոգ
Տեղեկություն
Աննա Խանզադյան
Գործավար (Վիրաբուժական կլինիկա)
Սյուզի Սեկոյան
Գործավար (գրասենյակ Երեւանում)
Արեւիկ Աֆյան
Անեսթեզիսթ
Նունիկ Սարգսյան
Վիրահատարանի բուժքույր