Հատուկ Առաջարկներ

Օտոպլաստիկա` ականջի կոսմետիկ վիրաբուժություն

Օտոպլաստիկա վիրահատությունը կարող է լինել տարբեր բնույթի՝ ներառյալ ականջների մոտեցում գլխին (ականջների ամրացում, լոշտակության շտկում), ականջի փոքրացում և ականջախեցու ձևափոխում։
 

Ինչպե՞ս է կատարվում օտոպլաստիկան

Չափահասների մոտ օտոպլաստիկան կատարվում է որպես ամբուլատոր միջամտություն՝ տեղային անզգայացումով։ 8 տարեկանից ցածր երեխաների մոտ այն կատարվում է ընդհանուր անզգայացման պայմաններում միջամտության ընթացքում նրանց հանգիստ պահելու նպատակով։ Բոլոր կտրվածքներն արվում են ականջի հետևում, ուստի վիրահատությունից հետո ակներև սպիներ չեն լինում։ Եթե ականջները դեպի դուրս են ծալված, ապա հնարավոր է դրանք հետ շրջել։ Եթե բացակայում են ականջախեցու որոշ բնական ծալքեր, ապա դրանք հնարավոր է «ստեղծել» ականջի կամ մարմնի այլ հատվածից վերցված հյուսվածքներից։ Վնասված կամ հաստացած ականջախեցիները կարող են վերականգնվել կամ բարակեցվել։ Վիրահատության ավարտին ականջ(ներ)ին դրվում է ճնշող վիրակապ վերականգնման փուլում դրանք ֆիքսված պահելու նպատակով։

 

Ի՞նչ ակնկալել հետվիրահատական շրջանում

Վիրահատությունից հետո սովորաբար լինում է մի փոքր ցավ կամ կապտուկ։ Միջամտությունից հետո այտուցների ամբողջական վերացումը տևում է մեկուկես շաբաթ՝ չնայած այն հանգամանքին, որ ականջի տվյալ հատվածը մոտ երեք շաբաթ մնում է զգայուն։ Ճնշող վիրակապը հանվում է 7 օր անց։ Ականջները ևս վիրահատությունից հետո 2-3 շաբաթ թմրած են լինում, սակայն այդ փուլում զգայունությունը կամաց-կամաց վերականգնվում է։ Հիմնականում այս թմրության պատճառով է օտոպլաստիկայի վերականգնման փուլն անցնում անցավ, ինչն էլ վերջինիս դարձնում է բացառապես տանելի հենց երեխաների մոտ։

 

Ե՞րբ է հնարավոր տեսնել արդյունքը

Մինչև վիրակապի հանելը ոչ մի «թաքուն» դիտարկում չի թույլատրվում։ Նման քայլը կարող է դառնալ վարակի առաջացման պատճառ կամ փոփոխել վերջնական արդյունքը։ Վիրակապը հանելուց հետո անմիջապես կտեսնեք տարբերությունը՝ չնայած այտուցի որոշակի հետքերին։

 

Որո՞նք են օտոպլաստիկայի ռիսկերը

Օտոպլաստիկան համարվում է անվտանգ և արդյունավետ միջամտություն, որը կրում է չնչին ռիսկեր։ Ականջախեցու վիրահատության հնարավոր բարդությունները ներառում են անզգայացման հակազդեցություն, արյունահոսություն, վարակ, արյան գնդեր, տհաճ վերքեր, անհամաչափություն և դժգոհություն կոսմետիկ տեսանկյունից։

 

Օտոպլաստիկա վիրահատություն անցած երեխայի խնամքը

Եթե խնամում եք օտոպլաստիկա վիրահատություն անցած երախայի, ապա անշեղորեն վերահսկեք նրա վարքը։ Առնվազն մեկ շաբաթ երեխան չպետք է ներգրավվի կոպիտ խաղերում կամ սպորտում։ Փոքր տարիքի երեխաները կդժվարանան համակերպվել այս սահմանափակումներին, ուստի անհրաժեշտ է նրանց խստորեն հսկել և զբաղեցնել այլ տարբերակով։
Անկախ տարիքից՝ կարևոր է օտոպլաստիկայից հետո առնվազն մեկ ամիս չծռել, չոլորել ականջը։
Լավագույն փաստն այն է, որ անշեղորեն հետևելով վիրաբույժի ցուցումներին՝ Դուք կամ Ձեր երեխան կունենաք վերականգնման հարթ ընթացք և կխուսափեք օտոպլաստիկայի բարդություններից։ Մեծերը սովորաբար ի վիճակի են վերադառնալ իրենց առօրյա աշխատանքին միջամտությունից երեք օր անց, մինչդեռ երեխաների ակտիվությունը պետք է սահմանապակել մեկ շաբաթ կամ ավելի ժամանակով։ Ականջախեցու վիրահատական արդյունքները տեսանելի են միջամտությունից 10-20 օր անց։

 

Որքա՞ն արժե օտոպլաստիկան

Օտոպլաստիկայի արժեքը կախված է մի քանի գործոններից՝ ներառյալ միջամտության ծավալը, վիրաբույժի մասնագիտական հմտություններն ու փորձը։ Ականջախեցու վիրահատության միջին արժեքը կազմում է 970 ԱՄՆ դոլարին համարժեք ՀՀ դրամ։

 

Ի՞նչ է ականջի բլթակի վիրահատությունը

Ականջի բլթակի վիրահատությունը միջամտություն է, որի օգնությամբ վիրաբույժը վերականգնում է ձգված կամ պատռված ականջաբլթակը։ Երբեմն ականջաբույթը պատռվում է դակման պատճառով, երբ ականջաբույթը պատահմամբ ձգում-պոկում են։ Այլ դեպքերում բլթակը կարող է ձգվել միտումնավոր՝ համարվելով որպես մարմնի ձևափոխում։ Այլ դեպքերում վիրաբույժը կար է դնում բացվածքի վրա՝ պացիենտին ընձեռելով ականջօղ կրելու նոր հնարավորություն։
Օտոպլաստիկայի մասին առավել մանրամասն տեղեկությունների, ինչպես նաև նախա և հետվիրահատական լուսանկարների համար սեղմեք այստեղ, կամ դիմեք գրասենյակ՝ Բժիշկ Դանիելյանի մոտ խորհրդատվության գրանցման համար։