Դաջվածքները՝ կյանքի ուղեկիցներ
Դաջվածք կրելը վաղուց արդեն դադարել է լինել միայն նավաստիների ու բանտարկյալների մենաշնորհը: Սեփական մարմինը տարբեր ձևերով զարդարելու և ձևափոխելու ավանդույթը գալիս է դեռևս վաղ ժամանակներից: Դա իրականացնելու ամենատարածված ձևերից մեկը միշտ եղել է դաջվածքը: Ներկայումս դաջվածքներ ունեն շատերը՝ անկախ սեռից ու մասնագիտությունից:
Սովորաբար դաջվածքները ծառայում են որպես ինքնարտահայտման միջոց, ընդգծում են մարմնի որոշ հատվածները, սպիերը թաքցնելու հնարավորություն են տալիս և վերջապես էսթետիկ նշանակություն ունեն։
Ի՞նչն է շատերին դրդում մաշկի վրա նկարել, որոնցից այդքան դժվար է լինում ազատվելը:
Մաշկն այն սահմանն է, որը մեզ բաժանում է մեր շրջապատից: Այն արտաքին աշխարհին պատմում է մեր ներքին կյանքի մասին: «Այն ամենը, ինչով մենք ծածկում կամ զարդարում ենք մեր մաշկը, ծառայում է որպես հաղորդակցման առանձնահատուկ լեզու»- ասում է հոգեբան Դիդիե Անզյուն: «Դաջվածքներով մենք կարող ենք արտահայտել չասվածը, զգացմունքները և ցանկությունները»:
Դաջվածքի արվեստը հայտնվել է ավելի քան 5000 տարի առաջ և ունեցել է ծիսական, սոցիալական և հասարակական կոնկրետ աստիճանին պատկանելու նշանակություն, հետևաբար, ոչ ոք չէր մտածում մարմնի նկարներից ազատվելու մասին:
Այսօր որոշ մարդիկ դաջվածքն ընկալում են որպես նորաձևության հոսք, որը թույլ է տալիս պարզապես զարդարել մարմինը: Միևնույն ժամանակ, քիչ մարդիկ են մտածում պատկերի իմաստի և դրա կատարման հետևանքների մասին, և երբեմն գեղեցիկ տեսք ունեցող հիերոգլիֆները կամ պատկերները կարող են ոչ հաճելի, ծիծաղելի նշանակություն ունենալ:
Քողարկման մեթոդը
Վիրաբուժական հատման եղանակը
Սա «դասական» տարբերակ է, որը լայնորեն կիրառվել է մինչև էսթետիկ բժշկության ի հայտ գալը և դեռևս չի կորցրել իր արդիականությունը: Մաշկի հատվածը, դաջվածքի հետ միասին ամբողջությամբ կտրվում է, վերքի եզրերը մոտեցվում են և կոսմետիկ եղանակով կարվում են: Որոշ դեպքերում վերքի մակերեսը ծածակվում է մարմնի մեկ այլ հատվածից տեղափոխված մաշկով: Փոքր չափի դաջվածքների վիրաբուժական հատումը համարվում է բավականին արդյունավետ:
Կրիոդեստրուկցիա
Բավականին արդյունավետ մեթոդ է, որը հիմնված է հեղուկ ազոտի օգտագործման վրա: Պրոցոդուրան ցավոտ է, այդ պատճառով այն իրականացվում է տեղային անզգայացման կիրառմամբ: Կրիոդեստրուկցիայի արդյունքում դաջվածքները զգալիորեն գունատվում են: Բուժական մեթոդի բացասական կողմը երբեմն դիտվող սպիերի առաջացումն է:
Քիմիական պիլինգները և դերմաբրազիան
Լազերային սարքավորումների կիրառումը դաջվածքների հեռացման համար ամենաարդյունավետ, ատրավմատիկ և միաժամանակ բավականին հասանելի մեթոդ է: Դաջվածքների լազերային հեռացման համար պահանջվում է կատարել մի քանի պրոցեդուրա, որոնք սովորաբար իրականացվում են ոչ հաճախ, քան ամիսը մեկ անգամ, քանի որ մաշկի վերականգնման համար անհրաժեշտ է որոշակի ժամանակաշրջան:
Սարքավորումները պետք է պարտադիր մասնագիտացված լինեն: Մեթոդի արդյունավետությունը կախված է նաև պատկերի չափերից․ որքան փոքր է պատկերն, այնքան արագ կարելի է տեսնել արդյունքը: Արդյունքը ցանկացած դեպքում կախված է նաև դաջվածքի ներկերի որակից:
Նախքան դաջվածք կամ կոսմետիկ տատուաժ անելը, պետք է մտածել նմանատիպ ինքնաարտահայտման տարբերակի անհրաժեշտության մասին, պատկերի իմաստի մասին, ինչպես նաև լրջորեն մոտենալ մասնագետի և դաջվածքի կատարման վայրի ընտրությանը, որպեսզի արդյունքում առողջական խնդիրների առաջ չկանգնեք և չփնտրեք նկարից ազատվելու մեթոդներ:
