Երբևէ լսե՞լ եք քսանտելազմաների մասին…
Որոշ մարդկանց մոտ երբեմն կարելի է նկատել վերին կոպերի ներքին անկյուններում տեղակայված սպիտակ-դեղնավուն կամ մի փոքր նարնջագույն բշտիկներ: Փորձենք հասկանալ, թե ի՞նչ նորագոյացություններ են դրանք:
Քսանտելազմայի առաջացման պատճառները
Ներկայումս հնարավոր չէ վստահորեն հաստատել, թե քսանտելազմաներն առաջանում են որոշակի պատճառից: Երկարաժամկետ կլինիկական հետազոտությունների արդյունքում մասնագետները կարողացել են կապ հաստատել հիվանդության զարգացման և արյան խոլեստերինի բարձր մակարդակի միջև: Առկա են նաև ապացուցված փաստեր, որ քսանտելազմաների առաջացման հավանականությունը մեծ է շաքարային դիաբետի, լյարդի տարբեր ախտահարումների, ճարպակալման, պանկրեատիտի ժամանակ:
Քսանտելազմայի բուժման եղանակները
Քսանտելազմաների վիրահատական հեռացումն այս հիվանդության դեմ պայքարի ամենատարածված ուղիներից մեկն է:
Քսանտելազմաների վիրաբուժական բուժումը ցուցված է կոսմետիկ պատճառներով: Հիմնականում վիրաբուժական միջամտությունն իրականացվում է տեղային անզգայացման կիրառմամբ՝ ամբուլատոր պայմաններում: Գոյացությունները հեռացվում են և դրվում են կոսմետիկ կարեր: Հետվիրահատական սպիերը լինում են աննկատ, քանի որ հաճախ տեղակայված են լինում կոպի ծալքի գծով: Այս գոյացությունների հեռացման հետ մեկտեղ, անհրաժեշտության դեպքում, հնարավոր է լինում իրականացնել նաև վերին կոպերի բլեֆարոպլաստիկա (վերին կոպերիձգում), ինչն ավելի է բարելավում էսթետիկ արդյունքը:
Մանրամասն տեղեկություն ստանալու համար կարող եք կապվել մեզ հետ այս հեռախոսահամարով ( 010) 20.59.90:
