Ուշադիր եղեք մաշկի նկատմամբ

Յուրաքանչյուր ոք՝ կին, թե տղամարդ, ցանկանում է գեղեցիկ և առողջ մաշկ ունենալ իր ողջ կյանքի ընթացքում: Բայց այդ երազանքի ճանապարհին հաճախ հանդիպում են այնպիսի խոչընդոտներ, ինչպիսիք են՝ սեբորեիկ կերատոզի պիգմենտացված բծերը:
Կերատոզը մաշկային հիվանդությունների մի ամբողջ խումբ է, որը բնութագրվում է մեկ ընդհանուր ախտանիշով` մաշկի ամենամակերեսային եղջերային շերտի հաստացումով: Կերատոզի ամենատարածված տեսակներից մեկը սեբորեիկ կերատոզն է:

Ի՞նչ է սեբորեիկ կերատոզը

Սեբորեիկ կերատոզը հատկանշվում է մաշկի վրա նորագոյացությունների բարորակ բնույթով: Քառասունից բարձր տարիքի շատ մարդիկ ունեն սեբորեիկ կերատոզի որոշ դրսևորումներ: Ամենից հաճախ դրանք մաշկի վրա փոքր բծեր են, որոնք կարող են լինել մի քանի միլիմետրից մինչև մի քանի սանտիմետր:

Այս նորագոյացությունների գույնը կարող է տատանվել մարմնագույնից մինչև սև,սակայն  առավել հաճախ հանդիպում են շագանակագույնի տարբեր երանգներով: Նրանք կարող են տարբեր մակերես ունենալ ՝ լինել հարթ կամ արտահայտված, բարձրանալ մաշկի մակերևույթից:

Սեբորեիկ կերատոզը կարող է տեղակայվել դեմքին, պարանոցին, կրծքավանդակին և մարմնի այլ մասերին: Չեն ախտահարվում միայն ձեռքի ափերը և ներբանները:

Կերատոզի օջախների հեռացումը

•   Կրիոթերապիան: Հեղուկ ազոտի միջոցով մակերեսային փոքր նորագոյացությունների հեռացումը

• Կյուրետաժի կամ էլեկտրոկաուտերիզացիայի միջոցով գոյացության այրումը և հեռացումը:

• Լազերի կիրառումը:

•      Վիրաբուժական եղանակով նորագոյացության հատումը:

•      Քիմիական փիլինգը եռքլորքացախաթթվով, որը բավականին էֆեկտիվ է լինում փոքր և մակերեսային գոյացությունների դեպքում:

Մանրամասն տեղեկությունների  համար  կարող եք կապ հաստատել մեզ հետ տվյալ հեռախոսահամարով (010) 20.59.90: