Գեղեցիկ կուրծք՝ երջանիկ կին

գեղեցիկ կուրծք

Կրծքագեղձի էսթետիկ-վերականգնողական վիրաբուժությունը պլաստիկ վիրաբուժության առանձին ճյուղ է, որը նվիրված է կնոջ կրծքերի վերականգմանը և գեղեցկության պահպանմանը:
Անհնար է կոնսերվատիվ կամ կոսմետոլոգիական մեթոդներով փոքրացնել, մեծացնել, ձգել և, առավել ևս, վերականգնել հեռացրած կրծքագեղձը: Ժամանակի ընթացքում բնական ծերացման գործընթացները, կնոջ քաշի փոփոխությունները, ծննդաբերությունը, կրծքագեղձի գոյացությունների կապակցությամբ կատարված վիրահատությունները վատթարացնում են կրծքագեղձերի տեսքը:

 

կրծքագեղձի վիրահատություններ

Կրծքագեղձերի ռեկոնստրուկտիվ և էսթետիկ վիրահատությունները ամենաարդյունավետ մեթոդներն են հետքաղցկեղային վիճակների վերականգնման, կրծքագեղձերի փոքրացման և դրանց գեղեցիկ ու կանոնավոր ձևի վերադարձման համար: Պլաստիկ վիրաբուժության զարգացման ներկա փուլում առկա են կրծքագեղձի պլաստիկ վիրահատությունների տարբեր մեթոդներ և մոդիֆիկացիաներ, որոնք ուղղված են կրծքերի ձևի բարելավմանը:
Կրծքագեղձերի վերականգնողական վիրահատությունները

Մամոպլաստիկայի ամենաբարդ և լուրջ տեսակի վիրահատություններից են մեկ կամ երկու կրծքագեղձերի հեռացումից հետո վերականգնողական վիրահատությունները:

կրծքագեղձի վերականգնում

Միևնույն ժամանակ նման վիրահատության հիմնական նպատակը կրծքագեղձի էսթետիկ տեսքը վերականգնելն է: Այդ նպատակով լուծվում են այնպիսի խնդիրներ, ինչպիսիք են՝ կրծքագեղձի ծավալի, մաշկի ծավալի վերականգնումը, էսթետիկորեն ճիշտ ձևի ստեղծումը, պտուկ-արեոլար կոմպլեքսի վերականգնումը, սիմետրիայի վերականգնումը: 

պտուկ-արեոլար կոմպլեքսի վերականգնում

Մամոպլաստիկայի այլ տեսակներից են կրծքագեղձերի փոքրացումը, ձգումը կամ դրանց ծավալի մեծացումը:

Ռեդուկցիոն մամոպլաստիկա

Վիրաբուժական միջամտությունը, որն ուղղված է կրծքագեղձերի ծավալի փոքրացմանը, կոչվում է ռեդուկցիոն մամոպլաստիկա: Չափազանց մեծ կրծքագեղձերի պատճառով առաջանում է մկանների լարվածություն, և կանայք հաճախ ունենում են մեջքի, պարանոցի և ուսերի շրջանի ցավեր: Կարելի է նաև նշել մաշկի գրգռումը, կարմրածությունն ու բորբոքումը ծալքերի հատվածում: Այս վիրահատությունն իրականացնելու մի քանի եղանակներ կան:

կրծքագեղձի վիրահատություն

Համարվում է, որ ռեդուկցիոն մամոպլաստիկան կրծքագեղձերի էսթետիկ վիրահատություններից ամենաաշխատատար և բարդ վիրահատությունն է, որն իրականացնելու համար վիրաբույժներից մեծ փորձ է պահանջվում:

կրծքագեղձի էսթետիկ վիրահատություն

Մաստոպեքսիա վիրահատություն

Կրծքագեղձի պլաստիկ վիրահատությունը, որն ուղղված է կրծքագեղձի ձգմանը և վեր բարձրացմանը, կոչվում է մաստոպեքսիա: Կնոջ կյանքի ընթացքում կրծքագեղձերի ծավալը մշտապես փոփոխվում է, տարիքի հետ կապված հյուսվածքի փոփոխություններ են տեղի ունենում, կրծքագեղձերի ձևը փոխվում է հատկապես հղիությունից և լակտացիայից հետո: Այս ամենի արդյունքում հատկապես հաճախ կրծքագեղձերի մաշկը կորցնում է էլաստիկությունը և կրծքագեղձերը կախվում են:

կրծքագեղձի վեր ձգում

Մաստոպեքսիայի ծավալը կախված է կրծքագեղձերի իջեցման աստիճանից: Մաստոպեքսիայի ժամանակ հեռացվում է հավելյալ, թորշոմած մաշկը, հյուսվածքները տեղափոխվում են, վերաբաշխվում ևամրացվում են նոր՝ ավելի բարձր դիրքում: Սա ստեղծում է կրծքագեղձերի էսթետիկորեն գրավիչ ուրվագծեր, պտուկը և արեոլան վերադառնում են նորմալ դիրքի:

կրծքագեղձի վեր բարձրացում

Աուգմենտացիոն մամոպլաստիկա

Աուգմենտացիոն մամոպլաստիկան կրծքագեղձերի ծավալի մեծացման նպատակով իրականացվող վիրահատություն է: Դա իրականացվում է կրծքագեղձերի պրոթեզավորման միջոցով:

կրծքագեղձի պրոթեզավորում

Ժամանակակից տեխնոլոգիաները թույլ են տալիս արտադրել իմպլանտներ, որոնք հնարավորինս նման են իրական կրծքագեղձի և համապատասխանում են կրծքավանդակի կառուցվածքային առանձնահատկություններին: Իմպլանտներն ընտրվում են պլաստիկ վիրաբույժի կողմից անհատականորեն՝ հաշվի առնելով ​​պացիենտի մարմնի ձևի ներդաշնակությունը և համամասնությունները: 

կրծքագեղձի իմպլանտ

Կրծքագեղձերի էնդոպրոթեզները լինում են կլոր և կաթիլաձև: Նրանց արտաքին թաղանթը պատրաստված է քիմիապես ոչ ակտիվ, կայուն և բարձր որակի բժշկական սիլիկոնից: Ներսում գտնվող գելը կրծքին հաղորդում է բնական փափկությունը և չի արտահոսում, նույնիսկ եթե վնասվում է արտաքին թաղանթը:

առողջ կուրծք

Մանրամասն տեղեկություն ստանալու համար  կարող եք կապվել մեզ հետ տվյալ հեռախոսահամարով  (010)20.59.90: