Բրախիոպլաստիկա. գեղեցկությունը ձեր ձեռքերում է

Երիտասարդացնելով դեմքը՝  կարելի է երկար ժամանակ թաքցնել տարիքը, բայց ձեռքերը կարող են հեշտությամբ ձեզ մատնել: Շատ հաճախ կարելի է նկատել, որ որոշ մարդկանց մոտ մաշկը արմունկից մինչև անութափոսը տգեղորեն կախվում է: Սակայն տարիքին զուգընթաց՝ մաշկի տոնուսը և առաձգականությունը նվազում է, այն դառնում է կախված և թոշնած:Սովորաբար դա նկատվում է ձեռքերի վերին հատվածում՝ արմունկելունից մինչև անութափոս:

Բացի այդ, այս խնդիրը հաճախ հանդիպում է արագ քաշի կորստի դեպքում, երբ ճարպի շերտը զգալի նվազում է, իսկ ձեռքերի մաշկը մնում է նույն ծավալով:

Անհնար է ֆիթնեսի վարժությունների, կոսմետոլոգիական տարբեր մեթոդների միջոցով զգալիորեն մեծացնել մաշկի առաձգականությունը և վերացնել ձեռքերի մաշկի կախվածությունն ու ծալքերը: Այդ պատճառով էլ կանայք, ինչպես նաև տղամարդիկ  նման դեպքերում դիմում են պլաստիկ վիրաբույժների օգնությանը: Այս դեպքում պլաստիկ վիրաբույժների ընտրության մեթոդը բրախիոպլաստիկան է:

Բրախիոպլաստիկայի իրականացումը

Բրախիոպլաստիկան պլաստիկ վիրահատություն է, որի ընթացքում հեռացվում է բազուկների շրջանի կախված մաշկը և վերականգնվում է վերին վերջույթների ռելիեֆը: Այս վիրահատությունը թույլ է տալիս վերադարձնել ձեռքերի երիտասարդությունը՝ դարձնելով մաշկը ավելի առաձգական և ձգված:

Վիրահատության ժամանակ հատվում և հեռացվում են հավելյալ մաշկը և ենթամաշկային ճարպաբջջանքը: Վիրաբույժը վերացնում է անհարթությունները, մաշկի առավել պիգմենտացված հատվածները՝ ձևավորելով ձեռքերի բնական եզրագծերը և տեսքը: Բրախիոպլաստիկայի կտրվածքները սովորաբար տեղակայվում են արմունկելունից մինչև անութափոսն ընկած հատվածը, երբեմն կարող են հասնել կրծքավանդակի պատին: Որոշ դեպքերում բրախիոպլաստիկան կատարվում է ձեռքերի լիպոսակցիայի հետ միասին:

Քանի որ հավելյալ մաշկի հեռացման ժամանակ անհնար է խուսափել կտրվածքներից, բրախիոպլաստիկայի ժամանակ վերքերի տեղում ձևավորվում է սպի: Որքան մեծ է կտրվածքը, այնքան մեծ է և սպին: Սովորաբար դասական բրախիոպլաստիկայի դեպքում սպին տեղակայվում է բազուկների ներքին մակերեսին, ինչը թույլ է տալիս դրանք թաքցնել շրջապատի հայացքներից: 

Բրախիոպլաստիկայի հետ միաժամանակ հաճախ կատարվում են նաև պացիենտի մարմնակազմվածքը շտկող այլ վիրահատություններ: Զուգահեռ կարող է կատարվել լիպոսակցիա, լիպոֆիլինգ, աբդոմինոպլաստիկա, կրծքագեղձերի տեսքի շտկում:

Մանրամասն տեղեկություն ստանալու համար կարող եք կապ հաստատել մեզ հետ  (010)20.59.90 հեռախոսահամարով: