Ազդրերի ձգում

 

Երբեմն ոտքերի թերությունները կարելի է թաքցնել ճիշտ ընտրված հագուստի միջոցով, բայց ձիգ հագուստ կրելիս, լողափ կամ լողավազան գնալիս այդ թերությունները կարող են թե՛ ֆիզիկական, թե՛ հոգեբանական անհանգստություն պատճառել: Նման խնդիրներ առավել հաճախ առաջացնում են ազդրերը:

Մեծանալուն զուգընթաց զգալի քաշի կորստից, հղիություններից կամ հորմոնալ փոփոխություններից հետո ազդրերի հատկապես ներսային մակերեսները դառնում են ծավալուն, արտահայտված ճարպային կուտակումներով, իսկ մաշկն այդ հատվածում կորցնում է իր առաձգականությունը, դառնում է թույլ ու կախվում՝ առաջացնելով տգեղ ծալքեր:

Ազդրերի ներսային մակերեսների մաշկի կառուցվածքային առանձնահատկությունների պատճառով տվյալ հատվածի մաշկի կախվածությունը վերացնելու համար դիետաները, ֆիզիկական վարժությունները և ապարատային կոսմետոլոգիան հաճախ անզոր են լինում: Նման դեպքերում օգնության է գալիս պլաստիկ վիրաբուժությունը:

Ազդրերի ձգումը (անգլերեն՝ thigh lift ) վիրահատություն է, որն իրականացվում է հիմնականում ազդրերի ներսային մակերեսի մաշկը ձգելու և ազդրերի շրջանում մաշկի կախվածության հետ կապված խնդիրները նվազեցնելու համար:

 

Սովորաբար նրանք, ովքեր որոշում են ազդրերի ձգման վիրահատություն իրականացնել, գանգատվում են ոչ միայն կոսմետիկ թերության առկայությունից, այլև քայլելիս ոտքերի մշտական շփումից, անընդհատ շփման արդյունքում մաշկի հարվելուց, ծալքերի հատվածներում մաշկի գրգռվածությունից:
Ազդրերի ձգման վիրահատության ընթացքում ավելորդ մաշկը, ենթամաշկային ճարպաբջջանքի հետ միասին հեռացվում է, ինչը զգալիորեն բարելավում է ազդրերի տեսքը: Ազդրերի ձգումը թույլ է տալիս արտահայտիչ ձգել մաշկը և գեղեցկացնել ազդրերի ընդհանուր շրջագիծը:

 

Ազդրերի ձգման վիրահատությունն իրականացվում է ընդհանուր անզգայացման պայմաններում: Վերականգնման ընթացքը տևում է մոտ 4-6 շաբաթ:

Ազդրերի ձգման վիրահատությունը բավականին արդյունավետ է, իսկ արդյունքներն՝ ակնհայտ:

Մանրամասն տեղեկությունների  համար կարող եք կապ հաստատել մեզ հետ (010)-20.59.90 հեռախոսահամարով։