Աբդոմինոպլաստիկա. գեղեցիկ և ձիգ որովայն

Առողջ սնունդը և սպորտն օգնում են բարելավել կազմվածքը, բայց դրանք հրաշքներ չեն գործում: Կազմվածքի որոշ թերություններ կարող են ուղղվել միայն պլաստիկ վիրահատությունների միջոցով: Կախված և առաձգականությունը կորցրած որովայնը հենց այդպիսի թերություններից է:

 

Այս դեպքում որովայնի գեղեցկությունը վերականգնելուն կօգնի միայն աբդոմինոպլաստիկան՝ որովայնի ձգումը:

Աբդոմինոպլաստիկան (որովայնի պլաստիկան, որովայնի ձգումը) վիրաբուժական միջամտություն է, որի  ժամանակ հեռացվում է որովայնի հավելյալ, կախված մաշկը և ենթամաշկային ճարպը, ինչը թույլ է տալիս վերականգնել որովայնի առաջային պատի նորմալ, էսթետիկ տեսքը:

Վիրահատության ընթացքում կատարվում է նաև որովայնի պատի թուլացած մկանների  ձգում:

Որովայնը իր ձգությունը կարող է կորցնել տարբեր պատճառներով: Առավել հաճախ կանայք աբդոմինոպլաստիկայի մասին մտածում են հղիությունից և ծննդաբերությունից հետո:

Աբդոմինոպլաստիկայի կարիք կարող են ունենալ նաև այն մարդիկ, ովքեր մեծ քաշ են կորցրել:

Աբդոմինոպլաստիկայի դիմող հիվանդների որոշակի մասը տարեցներն են, քանի որ տարիների ընթացքում մկանները և մաշկը կորցնում են իրենց առաձգականությունը և կախվում են:

Աբդոմինոպլաստիկայի իրականացումը

Աբդոմինոպլաստիկան իրականացվում է ընդհանուր անզգայացման միջոցով: Վիրահատության տևողությունն ուղղակիորեն կախված է որովայնի կախվածության և մկանների թուլության աստիճանից:

Աբդոմինոպլաստիկան կատարվում է ոչ միայն էսթետիկ, այլև որոշ դեպքերում, բժշկական նկատառումներով, քանի որ որովայնի ձևի զգալի փոփոխությունները կարող են հանգեցնել բազմաթիվ խնդիրների: Մաշկի արտահայտված ծալքերի դեպքում հաճախակի առաջանում է մաշկի մացերացիա, բորբոքում, ինչը ինֆեկցիայի պատճառ կարող է հանդիսանալ:

Կախված հյուսվածքների ավելորդ քաշը, ծանրաբեռնվածութուն է առաջացնում ողնաշարի վրա: Եվ այդ հավելյալ քաշը կարող է կանգային երևույթների պատճառ դառնալ ստորին վերջույթներում, ինչը կվատթարացնի ստորին վերջույթների երակների վարիկոզ հիվանդության վատթարացմանը:

Աբդոմինոպլաստիկայի ժամանակ կտրվածքը կատարվում է որովայնի ստորին հատվածում (բիկինիի գծի երկայնքով), ինչը թույլ է տալիս թաքցնել այն ներքնազգեստի տակ:

Վերականգնում աբդոմինոպլաստիկայից հետո

Պետք է նշել, որ աբդոմինոպլաստիկայից հետո վերականգնման գործընթացը երկար ու ոչ  հաճելի պրոցես է: Բայց արդյունքը դրան արժե: Մի քանի ամիս անց՝ ձգող ներքնազգեստը հանելուց և այտուցների լրիվ վերանալուց հետո, կերևա բնական, հարթ և ձգված որովայնը:

Աբդոմինոպլաստիկան շատ արդյունավետ և նկատելի արդյունքներ ապահովող վիրահատություն է: Առողջ ապրելակերպի վարման դեպքում էֆեկտը կպահպանվի տասնամյակների ընթացքում:

Աբդոմինոպլաստիկայի մասին ավելի մանրամասն տեղեկություն ստանալու համար կարող եք կապ հաստատել  մեզ հետ տվյալ հեռախոսահամարով՝ (010) 20.59.90: